Find Us on Facebook
Follow Us View Channel arm rus eng


Դեկ 25
2015

Россия 24-ի բացառիկ հարցազրույցը՝ Արթուր Բաղդասարյանի հետ. Ինչի մասին է խոսել ՕԵԿ առաջնորդը ռուսական հեռուստաընկերությամբ

Տեղադրել է oek in  

18

«Կովկասյան տարածաշրջանը շատ բարդ տարածաշրջան է և կարևոր է, որ այստեղ խաղաղությունն ու կայունությունը լինեն առաջին տեղում»,-այսօր՝ դեկտեմբերի 25-ին, ռուսական Россия 24 հեռուստաընկերության հետ բացառիկ հարցազրույցի ժամանակ ասաց «Օրինաց երկիր» կուսակցության նախագահ Արթուր Բաղդասարյանը:

Պարոն Բաղդասարյանը նաև նշեց, որ Հայաստանն ու Ռուսաստանը պետք է ունենան համապատասխան   գործիքակազմ, մեխանիզմներ իրենց պետական շահերը պաշտպանելու համար. «Կարծում եմ՝ մենք պետք է ունենանք հստակ միջպետական ծրագիր ռազմա-տեխնիկական համալիրի զարգացման համար: Այս տեսանկյունից ցանկանում եմ հայտնել, որ Հայաստանում շուտով բացվելու է ՀԱՊԿ ակադեմիան, որը ևս հիանալի հարթակ է զինվորական կադրեր պատրաստելու և վերապատրաստելու համար»:

Հարցազրույցն ամբողջությամբ՝ տեսանյութում

https://www.youtube.com/watch?v=FaVgfvbk-cM 

Դեկ 19
2015

Հանրաքվեն աչքի ընկավ զանգվածային բնույթի ընտրական հանցագործություններով. Արթուր Բաղդասարյան /տեսանյութ/

Տեղադրել է oek in  

17

«Հանրաքվեի հետ կապված իմ գնահատականները երկակի են»,- Հ3 հեռուստաընկերությամբ հեռարձակվող «Իրական հայացք» հաղորդաշարում Էդգար Առաքելյանի հետ հարցազրույցի ժամանակ հայտարարեց «Օրինաց երկիր» կուսակցության նախագահ Արթուր Բաղդասարյանը` ցավով հավելելով, որ դրականի կողքին նաև բացասականը կա:

Սկսելով բացասական դրսևորումներից` Բաղդասարյանն ասաց, որ հանրաքվեն աչքի ընկավ բազմաթիվ խախտումներով, զանգվածային բնույթի ընտրական հանցագործություններով, այդ թվում եղել են լցոնումներ, բազմակի քվեարկություններ, անմխիթար վիճակում են եղել ընտրական ցուցակները. «Բազմաթիվ մարդիկ ինձ հայտնել են, որ երկար տարիներ քվեարկությանը մասնակցել են օրինակ` Տերյան փողոցում, բայց այս անգամ հայտնվել են Թումանյան փողոցում, կամ օրինակ` Գյումրիում մի թաղամասում են միշտ քվեարկել, սակայն այս անգամ, չգիտես ինչու, հայտնվել են մեկ այլ թաղամասում»:

ՕԵԿ նախագահի խոսքերով` սրանք ընտրական այն մանիպուլիացիաներն են, այն կեղծիքներն են, որոնք Հայաստանում իրականացվեցին. «Սա ես փաստում եմ ցավով: Բացի դրանից, կարող եմ ասել, որ այսօր Հայաստանում կա առնվազն մի քանի տասնյակ հազար մարդ, ովքեր դժգոհ են իրենց վիճակից, սակայն այս մարդիկ մասնակից են դառնում ընտրական հանցագործություններին: Ցավոք, մեր ժողովրդի մի հատվածը մտածում է այդ պահի շահի մասին և գնում են ընտրակեղծիքների ճանապարհով: Հասկանում եմ, որ այդ մարդիկ այս պահին կքննադատեն ինձ, սակայն ես չեմ կարող հասկանալ այն մարդուն, ով կարող է 5 հազար դրամի համար մի քանի տեղ քվեարկում են, չեմ կարող հասկանալ այն կրթված մարդկանց, ովքեր ընտրական կեղծիք են կատարում վերադասի կարգադրությամբ: Չեմ կարող հասկանալ հատկապես գյուղական համայնքների ղեկավարներին, ովքեր բդեխշական կարգերի մոտիվացիայից ելնելով, վախենալով մարզպետներից և այլն, կարողացան իրենց գյուղերում այլանդակել իրենց գյուղերում կայացած քվեարկությունները»:

«Մենք այսօր տվյալներ ունենք, որ օրինակ Արարատի մարզում, մասնավորապես Արտաշատ համայնքում խայտառակ քանակի քվեներ ապահովվեց: Նույնը կարող եմ ասել Արմավիրի, Գեղարքունիքի մարզերի մասին: Երբ ուսումնասիրում ես, հասկանալի է դառնում, որ քաղաքաներում այլ իրավիճակ է, գյուղերում` մեկ այլ: Ստացվում է, որ կան գյուղապետեր, որոնք տեսնում են հայ ազգի ցավն ու դժվարությունները, սակայն իրենց անձնական շահից ելնելով, իրենց վերադասի կարգադրությամբ անում են ամեն ինչ իշխանության համար քվեներն ապահովելու համար: Սա շատ բացասական երևույթ է: Ես հիմա կոչ եմ անում այն յուղապետերին, ովքեր թասիբ ու նամուս ունեն, ետ մնալ ընտրակեղծիքներ կատարելուց»:

Դեկ 07
2015

ՕԵԿ-ը պահանջում է արժանի պատիժ հանրաքվեում հանցագործություններ կատարողների համար

Տեղադրել է oek in  

22.1Ավարտվեց դեկտեմբերի 6-ին նշանակված հանրաքվեն: Ինչպես վաղօրոք հայտարարել էր «Օրինաց երկիր» կուսակցությունը, հանրաքվեի կազմակերպման և անցկացման ընթացքի վրա իր լրջագույն ազդեցությունը թողեց նույնականացման` ID քարտերի առկայությունը, որոնց զանգվածային կիրառումը հանրաքվեի ընթացքում բազմակի քվեարկության զանգվածային դեպքերի և դրսևորումների առիթ դարձավ: ՕԵԿ-ը խորը մտահոգություն է հայտնում նաև հանձնաժողովների անդամների շարունակական կաշառման փորձերի և դրսևորումների, ընտրակաշառքի լայնամասշտաբ բաժանման և ուռճացված լրացուցիչ ցուցակների առնչությամբ: Կուսակցությունը պահանջում է իրավապահ մարմիններից գործուն ջանքերի ցուցաբերում իրավապահ մարմիններում, ԶԼՄ-ներում և սոցիալական ցանցերում հեղեղված ընտրական հանցագործությունների բազմաթիվ փաստերի օբյեկտիվ քնության և մեղավորներին արժանի պատժի ենթարկելու հարցերում:

ՕԵԿ-ը մտահոգությամբ փաստում է, որ վարչական ռեսուրսի և թաղային հեղինակությունների անմիջական ներգրավման արդյունքում` Հայաստանի հազարավոր քաղաքացիներ դարձան ընտրակեղծիքների կազմակերպիչներ և մասնակիցներ: Ցավով արձանագրում ենք, որ ժողովրդի ծանր սոցիալական վիճակը հերթական անգամ օգտագործվեց ընտրակաշառքի զանգվածային բաժանման նպատակով: Բդեշխական կարգերի դասական դրսևորում էր գյուղական համայնքներում քվեարկության կազմակերպումը, քանի որ պաշտոնական տվյալների վերլուծությունը մեզ բերում է այն աներկբա եզրակացության, որ ԱՅՈ-ի բարձր և անտրամաբանական քվեները, նաև հրապարակված տվյալների համաձայն, կատարված լցոնումներով եղել են բազմաթիվ գյուղական համայնքներում:

Արձանագրելով, որ հանրաքվեն անցել է բազմաթիվ ընտրախախտումներով` միևնույն ժամանակ, հաշվի առնելով այն հանգամանքը, որ տասնյակ հազարավոր քաղաքացիներ կամովին մասնակիցը դարձան ընտրակաշառքով քվեարկության, ինչպես նաև փաստելով, որ ԿԸՀ-ն, չնայած հրապարակված բազմաթիվ տվյալների, երբ գիշերվա ժամը 12-ի դրությամբ հայտնի էին առնվազն 700-800 տեղամասերի արդյունքները, հրապարակեց ընդամենը 75 տեղամասերի արդյունքներ, որոնք 80 տոկոսով ԱՅՈ էին, իսկ հանրագումարում արդեն 825000 կամ 63,35 տոկոս ԱՅՈ քվե, ՕԵԿ-ը խիստ հասկանալի պատճառներով Սահմանադրական դատարանում չի նախաձեռնի հանրաքվեի արդյունքների վիճարկման գործընթաց, քանի որ նախ խորհրդարանում չկան նվազագույնը 27 պատգամավորներ նման գործընթաց նախաձեռնելու համար և երկրորդ` ԱՅՈ և ՈՉ քվեների տարբերությունը, ըստ հրապարակված պաշտոնական տվյալների, շուրջ 2 անգամ մեծ է հոգուտ ԱՅՈ-ի և նման գործընթացը չի կարող փոխել հանրաքվեի վերջնական արդյունքները:

ՕԵԿ-ը ևս մեկ անգամ վերահաստատում է, որ, վճռական կողմնակիցը լինելով համակարգային իշխանափոխությանը, դրա իրականացման մեխանիզմը համարում է 2017թ. համապետական ընտրությունները և կոչ է անում լայն հասարակական-քաղաքական համախմբման` վերահաստատելով ևս մեկ անգամ, որ Սահմանադրական հանրաքվեն և դրա դեմ տարվող հանրահավաքային պայքարը չի դիտարկվում որպես իշխանափոխության հնարավորություն, ուստիև կշարունակի իր պայքարն արդեն իսկ որդեգրված մարտավարության, այն է` «Հայկական վերածնունդ» հասարակական քաղաքական միավորման շրջանակներում` ևս մեկ անգամ կոչ անելով լայնամասշտաբ համախմբման հանուն Հայաստանի վերածննդի:

ՕԵԿ-ն ի սկզբանե հայտարարել էր, որ շահառուն չէ Սահմանադրական այս փոփոխությունների և, քաղաքական անհրաժեշտություն հռչակելով Հայաստանում նոր որակի իշխանության ձևավորումը, հայտարարում է, որ մոբիլիզացնելու է իր բոլոր ջանքերը առաջիկա համապետական ընտրություններում հենց այդ որակի իշխանություն ձևավորելու համար:

Նմբ 24
2015

Արթուր Բաղդասարյանը՝ թուրքերի կողմից ռուսական ինքնաթիռը կործանելու մասին

Տեղադրել է oek in  

6ee58a5829a3bee57Թուրքական F-16-ի կողմից ռուսական Սու-24-ի կործանումը անընդունելի և խիստ դատապարտելի է: 

 

Գրում է Արթուր Բաղդասարյանը թվիթերյան իր էջում

Նմբ 23
2015

Սահմանադրության նախագծով Հայաստանը դառնում է ոչ թե խորհրդարանական, այլ գերվարչապետական երկիր. Արթուր Բաղդասարյան

Տեղադրել է oek in  

22222222222222222222222

«Արմենիա» հեռուստաընկերությամբ հեռարձակվող Ռ-Էվոլյուցիա հաղորդաշարի ժամանակ «Օրինաց երկիր» կուսակցության նախագահ Արթուր Բաղդասարյանը, անդրադառնալով Սահմանադրության փոփոխությունների նախագծին, նշեց, որ իրենք ի սկզբանե կառուցողական մոտեցում են ունեցել` ի տարբերություն շատ ուժերի. «Եթե երկրում նման գործընթաց է նախաձեռնվում, պետք է մասնակցես և փորձես հնարավորինս լավը դարձնել այն»:

«Մենք գտնում ենք, որ Հայաստանում Սահմանադրական փոփոխությունների անհրաժեշտություն չկա, ինչի մասին արդեն ասել են: Դրա համար չկա ո´չ հասարակական, ո´չ քաղաքական նախադրյալներ: Սակայն, քանի որ գործընթացը մեկնարկեց, մենք  առաջարկություններով հանդես եկանք, որոնցից մի քանիսն ընդունվեց, մի քանիսը` ոչ: Օրինակ` ընդունվեց մեր այն առաջարկությունը, որ մարդկանց պետք չէ զրկել սեփականությունից առանց դատարանի որոշման, ինչը մեզ համար դատապարտելի և անընդունելի է: Մյուս առաջարկը, որն ընդունվեց, վերաբերում է այն թեզին, որ օտարերկրացիները կարող են մասնակցել համայնքների ընտրություններին: Մեր նախաձեռնությամբ, այդ թեզը հանվեց: Նման մոտեցումը մեզ համար անընդունելի էր...Տեսեք, այսօր Իրանում ապրում է 25 միլիոն ադրբեջանցի: Իսկ այսօր մենք պետք է հայեցի պահենք մեր հայրենիքը, ոչ թե հնարավորություն տանք թուրքերին ու ադրբեջանցիներին գալ այստեղ համայնքներ ղեկավարեն»:

ՕԵԿ նախագահը խոսեց նաև կառավարման մոդելի մասին, որն առաջարկվում է` համարելով այն անընդունելի. «Հայաստանը դառնում է ոչ թե խորհրդարանական, այլ գերվարչապետական, որովհետև գործող նախագահի լիազորությունները գումարվում են գործող վարչապետի լիազորություններին ու տրվում մեկ անձ: Չկա բալանս իշխանության թևերի մեջ: Սակայն քանի որ մեջ առաջարկությունների մի մասն ընդունվել էին, մենք հայտարարեցինք, որ կողմ չենք փոփոխություններին»,-ասաց Բաղդասարյանը` հավելելով, որ ի վերջո յուրաքանչյուր քաղաքական ուժ ի զորու է վերադարձ կատարել, եթե դրա անհրաժեշտությունը լինի. «Կարող է կրկին սահմանադրության փոփոխություններ նախաձեռնվեն, քանի որ ետխորհրդային երկրներում բոլոր այն երկրները, որոնք խորհրդարային համակագի անցան, կրկին վերադարձ կատարեցին նախագահական համակարգին»:

Բացի դրանից, ըստ ՕԵԿ նախագահի, այսօր հայ ժողովուրդն այնպիսի վատ սոցիալական վիճակում է գտնվում, որ պետք է բոլորովին այլ փոփոխություններ  կատարել:

<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>