Find Us on Facebook
Follow Us View Channel arm rus eng


Դեկ 16
2014

Կան հարցեր, որոնց մասով ՕԵԿ-ն ու եռյակը ունեն միասնական տեսակետ. Հեղինե Բիշարյան

Տեղադրել է oek in  

c87ed0de9f2c6Արտահերթ նիստը, որը երեկ պետք է ԱԺ ընդդիմադիրներ խմբակցությունների` ՕԵԿ-ի, ՀԱԿ-ի, «Ժառանգության» և այլընտրանք ԲՀԿ-ի նախաձեռնությամբ տեղի ունենար և որի ընթացքում պետք է գնահատականներ տրվեին ՀԱԿ պատգամավոր Արամ Մանուկյանի և մի քանի ազատամարտիկների վրա տեղի ունեցած հարձակումներին, տեղի չունեցավ, քանի որ խորհրդարանական մեծամասնությունը չաջակցեց դրան:

Այսօր ԱԺ-ում այս մասին ասաց ԱԺ «Օրինաց երկիր» խմբակցության ղեկավար Հեղինե Բիշարյանը` հավելելով, որ կան հարցեր, որոնց մասով ՕԵԿ-ն ու եռյակը ունեն միասնական տեսակետ և միասնական են հանդես գալու, իսկ այն հարցերում, որոնք ՕԵԿ-ի սկզբունքներին հակասում են, համագործակցություն չի լինի:

Տիկին Բիշարյանը կոնկրետ Արամ Մանուկյանի վրա հարձակվելու մասով նշեց, որ դա հարձակում է բոլոր պատգամավորների վրա, և եթե այսօր լռություն լինի, վաղը նույն բանը կարող է կատարվել նաև մյուս պատգամավորների հետ:

Դեկ 16
2014

Խորհրդակցություն են անցկացրել ԱԺ 4 խմբակցությունները

Տեղադրել է oek in  

b0132a69225fԱյսօր՝ դեկտեմբերի 16-ին, Ազգային ժողովի «Բարգավաճ Հայաստան» խմբակցությունում ԱԺ 4 խմբակցությունները նիստ են անցկացրել: Նիստին մասնակցել  են ԲՀԿ խմբակցությունից Նաիրա Զոհրաբյանը, Վարդան Օսկանյանը, Միքայել Մելքումյանը, Ստեփան Մարգարյանը, ՀԱԿ-ից՝ Գագիկ Ջհանգիրյանը, «Ժառանգությունից»՝ Ռուբեն Հակոբյանն ու Արմեն Մարտիրոսյանը և ՕԵԿ-ից՝ Հեղինե Բիշարյանը:

Հանդիպման ավարտից անմիջապես հետո, սակայն, դրա մանրամասները չեն ներկայացվել լրագրողներին։ ԲՀԿ խմբակցության քարտուղար Նաիրա Զոհրաբյանը հայտնել է, որ 14:30–ին ԱԺում համատեղ մամուլի ասուլիս է հրավիրվելու։

Հիշեցնենք՝ վերոնշյալ չորս խմբակցություններն այսօր էլ բոյկոտել են ԱԺ արտահերթ նիստը, թեպետ «Ժառանգության» 2 անդամ՝ Զարուհի Փոստանջյանն ու Ալեքսանդր Արզումանյանը մասնակցել են նիստին։ Հավելենք, որ նիստին ներկայացել է նաև ՀԱԿ խմբակցությունից Նիկոլ Փաշինյանը։

 

Դեկ 12
2014

ՕԵԿ քաղխորհուրդը դատապարտում է ոտնձգությունը հասարակական-քաղաքական գործիչների նկատմամբ

Տեղադրել է oek in  

90f258c59abfԱյսօր տեղի է ունեցել «Օրինաց երկիր» կուսակցության քաղաքական խորհրդի նիստը, որը վարել է կուսակցության նախագահ Արթուր Բաղդասարյանը:

Քաղաքական խորհուրդը քննարկել է կուսակցության կազմակերպական և կառուցվածքային խնդիրներին վերաբերող մի շարք հարցեր: Լայն անդրադարձ է կատարել Հայաստանի ներքին և արտաքին քաղաքական օրակարգին առնչվող հարցերին:

Քաղաքական խորհուրդն անդրադարձել է օրերս ազատամարտիկների և երեկ ԱԺ պատգամավոր Արամ Մանուկյանի նկատմամբ իրականացված հարձակմանը՝ արձանագրելով.

«Օրինաց երկիր» կուսակցությունը խստորեն դատապարտում է ցանկացած ոտնձգություն ՀՀ յուրաքանչյուր քաղաքացու՝ հատկապես հասարակական-քաղաքական գործիչների նկատմամբՄասնավորապես կուսակցության քաղաքական խորհուրդն իր մտահոգությունն է հայտնում և դատապարտում է վերջին օրերին քաղաքացիների ավտոմեքենաների հրկիզման, ազատամարտիկներ Մանվել Եղիազարյանի, Ռազմիկ Պետրոսյանի, Սուրեն Սարգսյանի և Ազգային ժողովի ՀԱԿ խմբակցության պատգամավոր Արամ Մանուկյանի նկատմամբ իրականացված ոտնձգությունն ու բռնությունը՝ պահանջելով իրավապահ մարմիններից մեղավորներին հնարավորինս արագ բացահայտելու և պատժելու օպերատիվ միջոցառումներ հետագայում նմանօրինակ դրսևորումների կրկնությունը բացառելու համար

Նման գործողությունները կարող են նպաստել երկրում անպատժելիության մթնոլորտի և բռնության ավանդույթի ձևավորմանը, ինչը իրական սպառնալիք է հանրության անվտանգության համար և արդարացիորեն հարուցում է քաղաքացիների զանգվածային զայրույթն ու դժգոհությունը:

Դեկ 12
2014

ՕԵԿ-ը դատապարտում է ազատամարտիկների և ԱԺ պատգամավորի նկատմամբ իրականացված հարձակումն ու բռնությունը. մամուլի խոսնակ

Տեղադրել է oek in  

90f258c59abfՕրերս ազատամարտիկների, և երեկ էլ ԱԺ պատգամավոր Արամ Մանուկյանի նկատմամբ իրականացված հարձակման և բռնության դեպքերի հետ կապված Replik.am-ի թղթակիցը «Օրինաց երկիր» կուսակցության մամուլի խոսնակ Արթուր Միսակյանից հետաքրքրվեց. 
-Պարոն Միսակյան, ինչպես եք գնահատում օրերս ազատամարտիկներ Մանվել Եղիազարյանի, Ռազմիկ Պետրոսյանի, Սուրեն Սարգսյանի և նախօրեին էլ Արամ Մանուկյանի նկատմամբ իրականացված հարձակումներն ու բռնությունը:
-«Օրինաց երկիր» կուսակցությունը դատապարտում է ազատամարտիկների և Ազգային ժողովի պատգամավոր Արամ Մանուկյանի և առհասարակ Հայաստանի Հանրապետության յուրաքանչյուր քաղաքացու նկատմամբ իրականացված ոտնձգությունն ու բռնությունը: Աներկբա է, որ իրավապահ մարմինները պետք է անհապաղ բացահայտեն և պատժեն հանցագործներին հետագայում նմանօրինակ դրսեվորումների կրկնությունը բացառելու համար: Չպետք է թույլ տալ երկրում գլուխ բարձրացնի ամենաթողությունն ու անպատժելիությունը: 

Դեկ 04
2014

2015թ. բյուջեի նախագիծը ունակ չէ լուծելու երկրում առկա խնդիրները

Տեղադրել է oek in  

57e79360cdffe7bc6Այսօր` դեկտեմբերի 4-ին, Ազգային ժողովում 2015թ. բյուջեի նախագծի քննարկման ժամանակ Հեղինե Բիշարյանը, ներկայացնելով բյուջեի նախագծի վերաբերյալ «Օրինաց երկիր» խմբակցության տեսակետը, նշեց, որ նախորդ նիստում բյուջեի նախագծի քննարկումների ժամանակ իրենց խմբակցությունը առավելագույնս մանրամասնորեն ներկայացրել է «Օրինաց երկիր» կուսակցության մոտեցումները տնտեսության և սոցիալական տարբեր շերտերի խնդիրների և 2015թ. բյուջեի նախագծի միջև կապի վերաբերյալ. «Եթե մեկ բառով բնութագրենք, ապա բյուջեի այս նախագիծը ադեկվատ չէ երկրում առկա խնդիրները լուծելու հարցում, մարդկանց կենսամակարդակը բարձրացնելու գործում: 
Օրինակ, ներկայացված ցուցանիշներից ակնհայտ է դառնում, որ մեր երկրում, երբ սահմանված է նվազագույն աշխատավարձի շեմ՝ 55 000 դրամ, որն էլ իր հերթին բավարար չէ նվազագույն կենսազամբյուղն ապահովելու համար, ապա ստացվում է հաշմանդամները, ընտանեկան և սոցիալական նպաստ ստացող տասնյակ հազարավոր ընտանիքներ չեն հաղթահարում աղքատության շեմը: Օրինակ ինչպես ապրեն 2.553 շարքային զինծառայողներ 25 000 դրամ կենսաթոշակով, կամ 62 760 հաշմանդամները 17000 դրամով: Հունվարի մեկից հիմնական կենսաթոշակի չափն ավելացվելու է 2000 դրամով՝ սահմանվելով 16 000 դրամ, 458 127 թոշակառուներ ինչպես հոգան իր կարիքները, ինչպես բուժվի, ինչպես վճարի կոմունալ ծախսերը և այլն:
Ի ծնե հաշմանդամ անձը, ով ի վիճակի չէ աշխատել, առավել ևս պետությունը հաշմանդամ մարդկանց համար հատուկ աշխատատեղեր չի ստեղծել, մարդիկ ստանում են 18 հազար դրամ: Հաշմանդամը պետք է այնքան գումար ստանա պետությունից, որ գոնե կարողանա շատ թե քիչ նորմալ ապրել, քանի որ ինքը ֆիզիկապես ի վիճակի չէ աշխատել այդ գումարը: 
Հարգելի´ գործընկերներ, այս շարքը կարող եմ երկար թվարկել, բայց դրա կարիքը չկա, քանի որ այդ խնդիրների մասին բազմիցս ենք բարձրաձայնել ու բոլորը գիտեն դրանց մասին: 
Ուզում եմ մի քանի ընդհանրական խնդիրներից ևս խոսել ու կսահմանափակել խոսքս:
Այսպիսով. Հայաստանը պետք է դարձնել ներդրումների համար գրավիչ երկիր: Նախորդ տարիների փորձը ցույց է տալիս, որ ներդրումները տարեցտարի պակասում են: Ներդրումների համար գրավիչ միջավայրի ապահովելը քաղաքական կամքի դրսևորման խնդիր է: Ներդրումների համար գրավչությունը պահանջում է հարկային համապատասխան օրենսդրության ստեղծում, և մրցակցային հավասար պայմանների ապահովում: Այս չափանիշները ցավոք, մեր իրականության մեջ չենք տեսնում: Իսկ Փոքր և միջին բիզնեսին աջակցությունը պետք է լինի ոչ թե թղթի վրա, այլ իրականում: Մինչդեռ վերջին շրջանի գրեթե բոլոր օրենսդրական նախաձեռնությունները հակառակ են ցույց տալիս: Շրջանառության հարկի մասին օրենքը վառ օրինակ: 
Երկրի հարկային քաղաքականությունն ամբողջովին վերանայման ենթակա է: Հարկերի դրույքաչափերը պետք է համահունչ լինեն տնտեսական զարգացմանը: 
2015 թվականի պետական բյուջեի նախագիծը 2014 թվականի ծրագրային բյուջեի նկատմամբ ընդամենը շուրջ 60 մլրդ դրամ ծախսի ավելացում է նախատեսում, որից միայն 41 մլրդ դրամը՝ աշխատավարձի գծով, 5 մլրդ դրամը էներգետիկ ծախսումներն են, շատ փոքր գումար է մնում երկրի զարգացման համար: 
Մեր գնահատմամբ՝ Հայաստանի տնտեսության ստվերայնությունը բավական բարձր է, և ստվերային տնտեսությունը գոնե 10-20 տոկոսի չափով նվազեցնելու խնդիր բյուջեում չդնելը նշանակում է չիրականացնել արդյունավետ քաղաքականություն:
Նոր աշխատատեղերի ստեղծումը պետք է լինի կառավարության գլխավոր խնդիրը: 2015 թվականին այդ խնդիրը պետք է դրվի ավելի առարկայական հենքի վրա, ինչը արված չէ: Ամեն աշխատատեղի համար պետությունն ինքը պետք է միջոցներ ձեռնարկի, չի կարող ձեռքերը ծալած նստել ու սպասել, որ միայն մասնավորը պետք է աշխատատեղ ստեղծի:
Բոլոր ցուցանիշների մասին չեմ ուզում խոսել, այլ ամփոփելով արձանագրեմ, որ 2015թ. բյուջեի նախագիծը 2014թ. բյուջեի օրգանական շարունակությունն է: Մենք չենք տեսնում բյուջեի նախագիծ, որն ուղղված է երկրում տնտեսական աճի խթանմանը և սոցիալական խնդիրների լուծմանը: 
Մենք առկա բազմաթիվ սոցիալ-տնտեսական խնդիրների պայմաններում չենք կարող բավարարվել 4 տոկոս աճով, որը կանխատեսում է կառավարությունը 2015թ. համար, այն էլ՝ լավագույն պայմանների առկայության դեպքում: Իսկ ինչ կլինի ռիսկային այլ պայմանների պարագույում, երբ օր-օրի բոլորիս աչքի առաջ արժեզրկվում է դրամը, օր-օրի առաջին անհրաժեշտության ապրանքների և ծառայությունների գնաճ է տեղի ունենում, երբ միջազգային շուկայում որոշ կարևոր ապրանքատեսակների, դիցուք նավթի էժանացումները, ոչ մի կերպ չեն անդրադառնում Հայաստանի վառելիքի շուկայի վրա, վերջապես բյուջեի նախագիծը կազմվել է հիմք ընդունելով դոլարի մի փոխարժեք, իսկ այժմ դոլար-դրամ հարաբերակցությունը բոլորովին այլ մակարդակի վրա է: Ներկայիս ինտեգրացիոն գործընթացների հնարավոր տնտեսական հետևանքները նույնպես հաշվառված չեն, հետևաբար «Օրինաց երկիր» խմբակցությունը դեմ է 2015թ. բյուջեի նախագծին, քանի դեռ կառավարությունը չի գտել կախարդական փայտիկ ժողովրդի կյանքը բարելավելու համար»:

 

<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>