Կուսակցության անդամ կարող է լինել 18 տարին լրացած ՀՀ յուրաքանչյուր քաղաքացի, որն ընդունում է կուսակցության ծրագիրն ու կանոնադրությունը, իր գործունեությամբ նպաստում է կուսակցության ծրագրերի իրականացմանը և մուծում անդամավճար:

Այլ կուսակցության անդամները կուսակցության անդամ չեն կարող լինել:

Կուսակցության անդամն ունի անձնական քարտ, անդամատոմս և մուծում է անդամավճար: Անդամավճարի չափը և մուծման կարգը սահմանում է կուսակցության վարչությունը:

Կուսակցությանն անդամակցելը կամ նրանից դուրս գալը կամավոր է:

Կուսակցությանն անդամակցումը կատարվում է քաղաքացու անձնական դիմումի համաձայն, կուսակցության երկու  անդամի գրավոր երաշխավորության առկայության դեպքում: Ընդունելություն կատարում է կուսակցության սկզբնական կազմակերպության խորհուրդը:

Կուսակցության անդամն իրավունք ունի`

1. Ընտրել և ընտրվել կուսակցության և նրա տարածքային, համայնքային ու սկզբնական կազմակերպության ղեկավար և վերահսկողություն իրականացնող մարմիններում,
2. Տեղեկատվություն ստանալ կուսակցության և ղեկավար մարմինների գործունեության, որոշումների վերաբերյալ,
3. Մասնակցել կուսակցության մարմինների աշխատանքներին,
4. Հայտնել իր դիրքորոշումը քննարկվող բոլոր հարցերի վերաբերյալ, բարձրացնել ցանկացած հարց,
5. Բողոքարկել կուսակցության մարմինների ընդունած ցանկացած որոշում,
6. Մասնակցել իր անձին կամ գործունեությանը վերաբերող հարցերի քննարկմանը,
7. Իր դիմումի համաձայն դուրս գալ կուսակցությունից:

Կուսակցության անդամը պարտավոր է`

1. Կատարել կուսակցության կանոնադրության պահանջները և կուսակցության ղեկավար մարմինների որոշումները,
2. Սահմանված չափով և ժամկետում  մուծել անդամավճար,
3. Մասնակցել սկզբնական կազմակերպության ժողովներին և կուսակցության այլ միջոցառումներին,
4. Իր գործունեության ընթացքում նպաստել կուսակցության գաղափարախոսության, ծրագրերի ու նպատակների կենսագործմանը:

Կուսակցության անդամի անդամության դադարեցման հիմք կարող է հանդիսանալ`

1.  
   • Կուսակցության գաղափարախոսությանը կամ ծրագրերին հակասող քարոզչություն կամ  գործունեություն իրականացնելը,
   • Կուսակցության կազմակերպած  միջոցառումներին պարբերաբար անհարգելի չմասնակցելը,
   • Կուսակցության կանոնադրության պահանջները դիտավերյալ խախտելը կամ կուսակցության մարմինների որոշումները չկատարելը, որը էական վնաս է հասցրել կուսակցության շահերին: