|
|
|
|
|
|
|
ԿՈՒՍԱԿՑՈՒԹՅՈՒՆ / Ծրագիր
|
|
Կուսակցության ծրագիրը և գաղափարախոսական հիմնադրույթները
«Օրինաց երկիր» կուսակցությունը, հիմք ընդունելով համազգային նպատակները և հայոց հիմնարար սկզբունքները, միտված է իր գործունեությունը նպատակաուղղել մեր ժողովրդի մտավոր, գործնական և ոգեղեն ներուժի համախմբմանը: Կուսակցության գաղափարախոսության և ուշադրության կենտրոնում մարդն է, նրա ազատությունն ու իրավունքները, ազգային էության և նկարագրի արժևորումը: Հայ ժողովուրդը բազմամյա պատմության ընթացքում ապացուցել է լինելիության իր ունակությունը, փաստել հարատևման իր իրավունքը: Եվ այսօր ավելի, քան երբևէ, Հայաստանում բնակվող յուրաքանչյուր ոք իրավունք ունի ապրել ազատ և բարեկեցիկ: Ազգային արժեքների վրա խարսխված սոցիալական համերաշխության և գործընկերության հենքով բաց հասարակության ստեղծմամբ, մարդու ազատությունների և իրավունքների իրացումն ապահովող գործուն մեխանիզմների զարգացմամբ «Օրինաց երկիր» կուսակցությունը /այսուհետ` Կուսակցություն/ նպաստելու է մարդու և քաղաքացու իրավունքների և ազատությունների պաշտպանությանը: Սերունդների հանդեպ պատասխանատվության և պարտքի զգացումով համակված` Կուսակցությունը համազգային և համամարդկային արժեքների գնահատմամբ դրանք պահպանելու և զարգացնելու մտահոգությամբ, ձգտելու է մեր ժամանակակիցների մոտ արմատավորել և զարգացնել արժանապատիվ ապրելու իրավունքի և նոր աշխարակարգում սեփական դերի գիտակցումը:
Կուսակցության գաղափարախոսական հինադրույթներն են.
- Ազգային էությանը հավատարմություն և ազգային արժեքների իմաստավորում:
- Ազգային ներուժի բացահայտում և մրցունակության բարձրացում:
- Ազգային միասնություն և համազգային նպատակներ:
- Իրավական պետության կայացմանը զորակցություն:
- Միջազգային և ներպետական իրավական համակարգերի ներդաշնակ զարգացմանն աջակցություն:
- Հանրային զարգացումն ապահովող օրենսդրական արդյունավետ համակարգի ձևավորում:
|
|
|
|
|
|
